Երեւան: Մեդիամաքս: ՀՀ ֆինանսների նախարար Վաչե Գաբրիելյանի գլխավորած պատվիրակությունը այսօր մեկնել է Վաշինգտոն` հայ-ամերիկյան միջկառավարական հանձնաժողովի նիստին, ինչպես նաեւ Համաշխարհային Բանկի եւ Արժույթի միջազգային հիմնադրամի տարեկան հանդիպումներին մասնակցելու նպատակով:
Հայ-ամերիկյան միջկառավարական հանձնաժողովի նիստի ընթացքում քննարկումներ տեղի կունենան առեւտրի եւ ներդրումների, մրցակցության, հարկային վարչարարության բարեփոխումներին, ինչպես նաեւ էներգետիկայի, ջրային ռեսուրսների, առողջապահության ոլորտներին առնչվող հարցերի շուրջ:
Հայկական պատվիրակությունը հանդիպումներ կունենա Արժույթի միջազգային հիմնադրամի, Համաշխարհային բանկի, Ճապոնիայի միջազգային համագործակցության գործակալության (JICA), Միջազգային ֆինանսական կորպորացիայի ներկայացուցիչների հետ:
ՀՀ պատվիրակության կազմում են էկոնոմիկայի նախարար Տիգրան Դավթյանը, Կենտրոնական բանկի նախագահ Արթուր Ջավադյանը, արտաքին գործերի նախարարի տեղակալ Արման Կիրակոսյանը, ֆինանսների նախարարի տեղակալ Վարդան Արամյանը եւ այլ պաշտոնատար անձինք:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: