Երեւան: Մեդիամաքս: «ՍԹԱՐ» առեւտրային ցանցի կողմից «Ֆրեշ» սուպերմարկետների գնման շուրջ բանակցություններն ավարտվել են, եւ գործարքը պետք է հաստատվի ՀՀ տնտեսական մրցակցության պաշտպանության պետական հանձնաժողովի կողմից:
ՍԹԱՐ ցանցի գործադիր տնօրեն Վահան Քերոբյանն ասել է, որ «Ֆրեշ» սուպերմարկետների ցանցի գնումը հնարավորություն կտա մեծացնել վաճառքի ծավալներն եւ 15-ից 20 տոկոսով նվազեցնել լոգիստիկ, դիստրիբուցիոն եւ ադմինիստրատիվ ծախսերը:
Ներկայումս ՍԹԱՐ առեւտրային ցանցը կառավարում է 18 սուպերմարկետներ, որոնցից 17-ը Երեւանում եւ մեկը` Հրազդանում, իսկ «Ֆրեշ» սուպերմարկետների ցանցը ներառում է 4 «Ֆրեշ» սուպերմարկետ եւ 3 «Քեթրին» խանութներ Երեւանում:
Մոտ ապագայում ՍԹԱՐ-ը կբացի եւս մեկ խանութ Դավթաշեն վարչական շրջանում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: