Երեւան: Մեդիամաքս: ՀՀ Տնտեսական մրցակցության պաշտպանության պետական հանձնաժողովը (ՏՄՊՊՀ) որեւէ առարկայական փաստ չունի «Ջերմուկ Գրուպի» նկատմամբ վարույթ հարուցելու համար:
Այս մասին այսօր Մեդիամաքս-ին ասել է ՏՄՊՊՀ մամուլի քարտուղար Գայանե Սահակյանը:
Օրերս «Հրապարակ» օրաթերթը Ջերմուկում հանգստացող մի ընթերցողից դժգոհություն էր ստացել այն մասին, որ ինքը ցանկացել է «Կոկա-կոլա» խմել, բայց քաղաքում չի կարողացել գոնե մեկ շիշ այդ խմիչքից գտնել։
«Պատճառն այն է, որ «Ջերմուկ Գրուպի» սեփականատեր Աշոտ Արսենյանը «Պեպսի» է արտադրում և արգելել է այդ տարածքում վաճառել այլ զովացուցիչ ըմպելիքներ»,- գրել էր թերթը:
Գայանե Սահակյանը Մեդիամաքս-ին ասել է, որ հանձնաժողովը Ջերմուկում կարող է հետազոտություն սկսել միայն այն դեպքում, եթե որեւէ տնտեսվարողից կամ քաղաքացուց դիմում-բողոք ստանա տնտեսական մրցակցության կանոնների խախտման վերաբերյալ:
Նախօրեին News.am-ի հետ զրույցում «Ջերմուկ Գրուպի» սեփականատիրոջ օգնական Էդգար Ղազարյանը հերքել էր «Հրապարակի» տեղեկատվությունը` ասելով, որ «սա, ըստ էության, թյուրիմացություն է կամ ուղղակի ինչ-որ մեկն Աշոտ Արսենյանին վարկաբեկելու միտում ունի»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: