Երեւան: Մեդիամաքս: Հայաստանի եւ Վրաստանի պաշտպանության նախարարությանների միջեւ ստորագրվել է ռազմական համագործակցության 2014թ. ծրագիրը:
Ինչպես տեղեկացնում է ՊՆ մամուլի ծառայությունը, հունվարի 28-ից 29-ը Հայաստանում էր գտնվում Վրաստանի պաշտպանության նախարարի տեղակալ Միխեիլ Դարչիաշվիլիի գլխավորած պատվիրակությունը, որը հանդիպումներ է ունեցել ՀՀ պաշտպանության նախարար Սեյրան Օհանյանի եւ նախարարի առաջին տեղակալ Դավիթ Տոնոյանի հետ:
Հանդիպումների ընթացքում քննարկվել են երկու երկրների պաշտպանական գերատեսչությունների միջեւ առկա համագործակցության մակարդակը ընդլայնելու հնարավորությունները, ինչպես նաեւ բազմակողմ շրջանակներում համագործակցության հեռանկարները:
Ռազմական համագործակցության 2014թ. ծրագիրը ներառում է ինչպես կողմերի տարբեր մակարդակների պատվիրակությունների փոխադարձ այցելություններ, այնպես էլ համագործակցություն ու փորձի փոխանակում պաշտպանական քաղաքականության, խաղաղապահության, լեռնային պատրաստության, ռազմական կրթության, ռեսուրսների կառավարման եւ այլ բնագավառներում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: