Երեւան: Մեդիամաքս: Սյունիքի զորամասերից մեկում հունիսի 24-ին զինծառայող է մահացել:
Հայաստանի Քննչական կոմիտեից հայտնել են, որ ՊՆ ՌՈ Սիսիանի բաժնից հաղորդում է ստացվել, որ ՊՆ N զորամասի զինծառայող Դավիթ Վահանի Ներսիսյանի մոտ զորամասում՝ շարքում կանգնած ժամանակ, նկատվել է ինքնազգացողության հանկարծակի վատացում եւ գիտակցության կորուստ:
ՔԿ հաղորդմամբ՝ նա շտապ կարգով տեղափոխվել է զինվորական հոսպիտալ, որտեղ արձանագրվել է զինծառայողի կենսաբանական մահը:
«Քննչական կոմիտեի զինվորական քննչական գլխավոր վարչության երրորդ կայազորային քննչական բաժնում նախաձեռնվել է քրեական վարույթ՝ ՀՀ քրեական օրենսգրքի 155-րդ հոդվածի 1-ին մասի հատկանիշներով։
Նախաքննության շրջանակում կատարվել է դիակի արտաքին զննություն, մարմնի վրա բռնության հետքեր չեն հայտնաբերվել։
Մահվան պատճառները պարզելու նպատակով նշանակվել է դիակի դատաբժշկական փորձաքննություն»,- ասված է ՔԿ հաղորդագրությունում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: