Երեւան։ Մեդիամաքս։ Օգոստոսի 1-ից հոկտեմբերի 13-ը ներառյալ Հայաստանում կհայտարարվեն պահեստազորի առաջին խմբի առաջին եւ երկրորդ կարգերում հաշվառված շարքային, ենթասպայական եւ սպայական կազմերի պահեստազորայինների վարժական հավաքներ:

Համապատասխան որոշումն ընդունվել է կառավարության այսօրվա նիստում:

Վարժական հավաքներին կներգրավվի մինչեւ 2352 քաղաքացի, որոնցից 2115-ը՝ շարքային եւ կրտսեր ենթասպայական կազմերի, 110-ը` ավագ ենթասպայական կազմի, 127-ը` սպայական կազմի պահեստազորայիններ՝ համազորային «մոտոհրաձգային, կապի, հետախուզական, ինժեներական», հրթիռահրետանային մասնագիտություններով:

Հայտարարված վարժական հավաքների ընթացքում յուրաքանչյուր քաղաքացի ներգրավվում է ոչ ավելի, քան 25 օրացուցային օր ժամկետով: