Երեւան: Մեդիամաքս: Հայաստանի արտակարգ իրավիճակների նախարարությունը հաստատել է տեղեկությունը ռուսական ուղղաթիռի կործանման մասին:
ԱԻՆ հաղորդագրության մեջ ասված է.
«Նոյեմբերի 9-ին, ժամը 18։39-ին Արարատի մարզային ճգնաժամային կառավարման կենտրոն ահազանգ է ստացվել, որ Երասխ գյուղից Պարույր Սեւակ գյուղ տանող հատվածում՝ ձորում, ռուսական ուղղաթիռ է ընկել եւ բռնկվել։
Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը եւ հրշեջ-փրկարարական ջոկատներից երեք մարտական հաշվարկ»։
