Երեւան: Մեդիամաքս: Ամառային շրջանի եզրափակիչ ստուգումների արդյունքում Հայաստանում տեղակայված ռուսական ռազմաբազայի հետախուզական ստորաբաժանումների պատրաստվածության ցուցանիշը բարձրացել է միջինը 15%-ով՝ անցած տարվա նույն ժամանակահատվածի համեմատ:

Հետախուզական ստորաբաժանումների ամբողջ անձնակազմն անցել է լեռնային եւ ալպինիստական պատրաստվածության հատուկ դաընթաց, որը ներառում է ժայռոտ, անտառային ու լեռնային արգելքների, ինչպես նաեւ ջրային եւ օդային անցումների հաղթահարում՝ 2,5-3,5 մ բարձրության վրա:

Հատուկ ուշադրություն է դարձվել լեռներում պայմանական հակառակորդի հայտնաբերման հետ կապված խնդիրների իրականացմանը, որոնք ենթադրում էին անօդաչու թռչող սարքերի կիրառում:

Ամառային շրջանում «Նավոդչիկ-2» ժամանակակից հետախուզական անօդաչու ավիացիոն սարքի ընդհանուր թռիչքային ժամանակը կազմել է շուրջ 1500 ժամ, որի ընթացքում կատարվել է ավելի քան 150 թռիչք հատուկ նախագծված երթուղիներով: