Երեւան: Մեդիամաքս։ Երկու երկրների հարաբերությունների կարգավորման հարցով Թուրքիայի եւ Հայաստանի հատուկ բանագնացները մոտ ապագայում կարող են հանդիպել։
Ինչպես հայտնում է ՏԱՍՍ-ը՝ այս մասին այսօր Անկարայում կայացած մամուլի ասուլիսում ասել է Թուրքիայի արտգործնախարար Մեւլութ Չավուշօղլուն։
«Մենք հատուկ բանագնացներ ենք նշանակել՝ սկսելու հարաբերությունների կարգավորման գործընթացը։ Նրանք բանակցություններ կվարեն շատ մոտ ապագայում»,- նշել է նա՝ առանց մանրամասնելու։
Հայաստանի հետ հարաբերությունների կարգավորման հարցերով Թուրքիայի հատուկ բանագնաց է նշանակվել ԱՄՆ-ում այդ երկրի նախկին դեսպան Սերդար Քըլըչը, Հայաստանի հատուկ բանագնացն է ԱԺ փոխնախագահ Ռուբեն Ռուբինյանը։
