Երեւան: Մեդիամաքս: Մեդիամաքս-ը «Գրքերի տաղավար» խորագրում շարունակում է ներկայացնել Հայաստանում լույս տեսած նոր գրքերը:

Հրատարակված գրքերին վերաբերող տեղեկատվությունը տրամադրվում է հրատարակչությունների  կողմից:

«Մատյան Ողբերգության: Տաղեր»

Գրիգոր Նարեկացի

Հրատարակչությունը`Զանգակ

Ծավալը`592 էջ

Չափը`11x15.5 սմ

Կազմը`կոշտ

Տպագրությունը`օֆսեթ

Գինը`3,500 դրամ

Որտեղ գնել`Երեւան քաղաքի բոլոր գրախանութներում

Գրիգոր Նարեկացու հայտնությամբ հայ գեղարվեստական մտածողությունը մտնում է միանգամայն նոր փուլ: Նարեկացին իր աստվածային հավատը վերածում է խոսքի եւ գեղարվեստական հյուսվածքին հաղորդում հոգիների վրա ներգործելու տիրական ազդեցություն: Դա կենդանի խոսք է, որ թափանցում է մարդու հոգու խորքը եւ ապրեցնում նրան, իսկ եթե հիվանդ է՝ բուժում:

«Իմ անունը հիմա է»

Աննա Արզումանյան

Հրատարակչությունը`Անտարես

Ծավալը` 80 էջ

Չափը` 13x24

Կազմը` փափուկ

Տպագրությունը` օֆսեթ

Որտեղ գնել` Հայ գիրք գրախանութների ցանց

Նյու Յորք այցելող կինը ըմբոշխնում է քաղաքի յուրահատուկ հմայքը:

Պատահական մի հանդիպում սրճարաններից մեկում արթնացնում է նրա մեջ ցեղասպանության հիշողությունը, որն իր վերաիմաստավորումն է ստանում արգենտինահայ բանաստեղծուհու երեւակայական աշխարհում:

«Գեւորգ Բաշինջաղյան/Հայ արվեստի նշանավոր գործիչներ մատենաշար»

Կազմող`Նվեր Վիրաբյան

Հրատարակչությունը`ՎՄՎ-Պրինտ

Ծավալը`56 էջ

Չափը`70x100

Տպագրությունը`օֆսեթ

Որտեղ գնել`Երեւան քաղաքի բոլոր գրախանութներում

Հայ արվեստի նշանավոր գործիչներ մատենաշարը միտում ունի նոր սերունդներին հաղորդակից դարձնել մեր նշանավոր արվեստագետների կյանքին ու գործունեությանը,նրանց ստեղծագործություններին ու կատարումներին:

«Հրաշք լուսացույցը»

Թարգմանիչ` Հռիփսիմե Մադոյան

Հրատարակչությունը`Անտարես

Ծավալը`10 էջ

Տպագրությունը`օֆսեթ

Որտեղ գնել`Հայ գիրք գրախանութներից ցանցից

«Հրաշք լուսացույցը» լուսաձայնային գիրքը նախատեսված է 3-ից բարձր տարիքի երեխաների համար:

«Շնաձուկ: Կենդանիների օրագրեր»

Սթիվ Փարքըր

Հրատարակչությունը`Զանգակ

Ծավալը`32 էջ

Չափը` 21.5x27.5 սմ

Կազմ` կոշտ

Տպագրությունը`օֆսեթ

Գինը` 2,600 էջ

Որտեղ գնել`Զանգակ գրատանը եւ Երեւան քաղաքի բոլոր գրախանութներում

«Գրքերի տաղավար» խորագրի հետ համագործակցել ցանկացող հրատարակիչները կարող են զանգահարել Մեդիամաքս-ի աշխատակից Լիլիթ Գյոզալյանին` 010 54 33 84: