Երեւան: Մեդիամաքս: ՀՀ կառավարությունն այսօր փոփոխություններ եւ լրացումներ է կատարել իր նախկին որոշումներից մեկում՝ տարանջատելով ավիացիայի ոլորտի քաղաքականության մշակման, տեխնիկական կանոնակարգման եւ անվտանգության նկատմամբ հսկողություն իրականացնող մարմնի գործառույթները:
Կառավարության մամուլի ծառայության հաղորդման համաձայն, դա դրական ազդեցություն կունենա կարգավորիչ դաշտի նկատմամբ:
Այս նպատակով նաեւ ՀՀ էկոնոմիկայի նախարարությունում ստեղծվելու է կառուցվածքային նոր ստորաբաժանում:
«Ակնկալվում է, որ «բաց երկնքի» ազատականացված քաղաքականությամբ կկանոնակարգվեն պետական կառավարման մարմինների գործառույթները, որոնք կհանգեցնեն վստահության մեծացմանը եւ մրցունակ ու կայուն ավիափոխադրումների ապահովմանը», - հաղորդել է կառավարության մամուլի ծառայությունը:
Նախկինում նշված գործառույթները պատկանում էին Քաղաքացիական ավիացիայի գլխավոր վարչությանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: