Երեւան: Մեդիամաքս: Միացյալ Նահագների Սենատը հաստատել է Ռիչարդ Միլս կրտսերի (Richard M. Mills, Jr.) թեկնածությունը՝ Հայաստանում ԱՄՆ-ի նոր դեսպանի պաշտոնում:

Ադրբեջանում ԱՄՆ-ի դեսպանի պաշտոնում կնշանակվի Ռոբերտ Սեկուտան (Robert Cekuta), որը նախկինում զբաղեցնում էր ԱՄՆ-ի փոխպետքարտուղարի գլխավոր տեղակալի պաշտոնը՝ էներգետիկ գծով:

Մինչեւ վերջերս Ռիչարդ Միլսը զբաղեցնում էր Բեյրութում ԱՄՆ դիվանագիտական առաքելության ղեկավարի տեղակալի պաշտոնը: Ավելի վաղ նա Մալթայում ամերիկյան առաքելության ղեկավարի տեղակալն էր եւ ժամանակավոր հավատարմատարը: 

Ռիչարդ Միլսը Պետքարտուղարությունում աշխատում է 1988թ-ից: 90-ականների սկզբին նա եղել է Հայաստանի ու Ադրբեջանի հարցերով զբաղվող բաժնի պետ, ապա աշխատել է Սանկտ-Պետերբուրգում ԱՄՆ-ի հյուպատոսարանում:

Դիվանագետն աշխատել է նաեւ Դուբլինի, Իսլամաբադի, Էր Ռիադի, Լոնդոնի եւ Բաղդադի ամերիկյան առաքելություններում:

Ռիչարդ Միլսը, անգելերենից բացի, տիրապետում է ֆրանսերեն եւ ռուսերեն լեզուներին:

Հայաստանում ԱՄՆ դեսպան Ջոն Հեֆֆերնի լիազորությունների ժամկետը շուտով լրանում է: Նա այս պաշտոնում նշանակվել էր 2011թ.: