Երեւան: Մեդիամաքս: Երեւանի քաղաքապետարանից հայտնում են, որ «20 մլրդ 46 մլն դրամի ներդրումային ծրագրի շնորհիվ Կասկադը կամբողջանա»։
Նշվում է, որ նախագծի իրականացման իրավունք է ստացել չորս ընկերությունից բաղկացած կոնսորցիումը, որի անունից հանդես կգա «Ջի Թի Բի դիվելոփմենթ» ՍՊԸ-ն։
«Կասկադի» անավարտ հատվածը կկապվի Հաղթանակի 50-ամյակի հուշարձանին։
Ծրագիրը կիրականացվի ըստ ֆրանսիացի ճարտարապետ Ժան-Միշել Վիլմոտի նախագծի։
Այստեղ կգործեն 1000 հոգու համար համերգասրահ, ժամանակակից արվեստի թանգարան, արվեստանոցներ, հանգստի եւ ժամանցի գոտիներ:
Նախատեսվում է, որ աշխատանքներն ավարտին կհասցվեն հինգ տարվա ընթացքում։
2024թ. սեպտեմբերին Երեւանի քաղաքապետարանը «Ակտիվ քաղաքացի» հարթակում ներկայացրել էր Կասկադ համալիրը ավարտուն տեսքի հասցնելու երկու նախագիծ՝ առաջարկելով քվեարկել դրանց օգտին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: