Երեւան: Մեդիամաքս: Երեւանի քաղաքապետ Տիգրան Ավինյանն այսօր ասել է, որ առաջիկայում կքննարկվեն «միասնական տոմսային փաթեթների սակագների կիրառման վերանայման հնարավորությունները»:

Հարցի շուրջ փոփոխություններ կատարելու նպատակով առաջիկա ավագանու նիստի ընթացքում կքննարկվեն սակագների կիրառման տրամաբանության վերանայման հնարավորությունները։ Փետրվարի 11-ի Երեւանի ավագանու հերթական նիստի ժամանակ առաջարկվելու են հետեւյալ փոփոխությունները՝

▫️10 ուղեւորություն․ 2000 դրամ, օգտագործման ժամկետը՝ 45 օր՝ ներկայիս 2200 դրամի եւ 30 օրվա փոխարեն։

▫️300 դրամ․ օգտագործման ժամկետը՝ 180 րոպե՝ ներկայիս 90 րոպեի փոխարեն։

▫️1 օր․ 900 դրամ՝ անսահմանափակ ուղեւորություններ՝ ներկայիս 8 ուղեւորափոխադրման սահմանափակման փոխարեն։

▫️7 օր․ 5000 դրամ, անսահմանափակ ուղեւորափոխադրումներ՝ ներկայիս 30 ուղեւորափոխադրման սահմանափակման փոխարեն։

Հիշեցնենք նաեւ, որ հունվարի 1-ից գործում են նաեւ հետեւյալ փաթեթները՝

▫️30 օր․ 9000 դրամ՝ անսահմանափակ ուղեւորափոխադրումներ,

▫️90 օր․ 24000 դրամ՝ անսահմանափակ ուղեւորափոխադրումներ,

▫️365 օր․ 90000 դրամ՝ անսահմանափակ ուղեւորափոխադրումներ։

«Առաջիկայում ավագանու նույն նիստի ընթացքում կհայտարարվի նաեւ այլ փոփոխությունների եւ լրացումների մասին, որոնք համակարգը երեւանցիների համար ավելի հարմարավետ եւ արդյունավետ կդարձնեն»,- Ֆեյսբուքի իր էջում գրել է Ավինյանը։