Երեւան: Մեդիամաքս: Երեւանում կկառուցվի 270 մետր բարձրությամբ 71 հարկանի բազմաֆունկցիոնալ համալիր։
Օգոստոսի 19-ին նախագծային աշխատանքների մեկնարկի կապակցությամբ հայկական «Լաուրա ինվեսթմընթ» ընկերությունը մտադրությունների մասին հուշագիր ստորագրեց Արաբական Միացյալ Էմիրությունները ներկայացնող «Բայնոնա ինժեներական խորհրդատվություն» ՍՊԸ-ի հետ։
Ծրագրի իրականացման համար պահանջվող ներդրումների ծավալը 250 մլն ԱՄՆ դոլար է, որի 25-30%-ը կծախսվի սեյսմակայունության եւ ինժեներական մշտական մոնիտորիգնի ապահովման համակարգերի ներդրման համար։
Համալիրը ստացել է «Անմոռուկ» անվանումը՝ հաշվի առնելով շինության պատկերը վերեւից։ Այն նախատեսվում է կառուցել մայրաքաղաքի հարավային մասում՝ Ծովակալ Իսակովի պողոտայի հարեւանությամբ:
Ծրագրի հայեցակարգային մանրամասներին կարող եք ծանոթանալ այստեղ։
