Երեւան: Մեդիամաքս: Հայաստանի Կենտրոնական ընտրական հանձնաժողովը հրապարակել է սեպտեմբերի 23-ին կայացած Երեւանի ավագանու արտահերթ ընտրությունների նախնական արդյունքները:

Ընտրություններին քվեարկելու իրավունք ունեցող 848 343 քաղաքացիներից ընտրություններին մասնակցել է  370 323  քաղաքացի (43.65 %):

Ընտրություններում համոզիչ հաղթանակ է տարել «Իմ քայլը» դաշինքը, որը ստացել է 294 109 ձայն (81.06%): Դաշինքի ցուցակը գլխավորող Հայկ Մարությանը համարվում է Երեւանի ընտրված քաղաքապետ:

Երկրորդ տեղում «Բարգավաճ Հայաստան» կուսակցությունն է, որը ստացել է 25 219 ձայն (6.95 %):

Երրորդ տեղում «Լույս» դաշինքն է, որը ստացել է 18 112 ձայն (4.99%):

Երեւանի ավագանու արտահերթ ընտրություններին մասնակցում էին 12 ուժեր՝ 8 կուսակցություն եւ 4 դաշինք: