Black Sabbath խմբի կիթառահար Թոնի Այոմին հայտնել է, որ Queen խմբի կիթառահար Բրայան Մեյն իրեն բացառիկ նվեր է մատուցել՝ ձախլիկի համար նախատեսված Red Special կիթառը:
Լուսանկարը` Tony Iommi Facebook page
«Շատ շնորհակալ եմ իմ լավագույն ընկեր Բրայան Մեյին եւ կիթառի վարպետ Էնդրյու Գույտոնին այս անհավանական նվերի համար: Էնդրյուն անձամբ բերել է կիթառը, որի վրա աշխատել է երկու տարի», - գրել է Թոնի Այոմին եւ կատակով հավելել. «Փաստորեն, Սուրբ Ծնունդը ժամկետից շուտ եկավ»:
Red Special էլեկտրական կիթառը 1960-ականների սկզբին նախագծել են Բրայան Մեյն ու իր հայրը՝ Հարոլդը:
Red Special-ը Բրայան Մեյի օգտագործած հիմնական կիթառն է՝ այն կարող եք լսել Queen-ի գրեթե բոլոր ալբոմներում:
Լուսանկարը` Tony Iommi Facebook page
Ռոք երաժշտության պատմության մեջ մեծագույն կիթառահարների համբավը վայելող Թոնի Այոմին եւ Բրայան Մեյը մոտ ընկերներ են:
1989 թվականին նրանք մասնակցել են Rock Aid Armenia բարեգործական նախաձեռնությանը, որի համար 2019 թվականին Հայաստանում արժանացել են Փառքի շքանշանի:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: