2019  թվականի փետրվարին ՀՀ պաշտպանության նախարարության որոշմամբ Հայաստանի զինված ուժերի զորամասերում եւ դիրքերում զինծառայողների սննդի կազմակերպումը փորձնական ծրագրով վստահվեց մասնավոր կազմակերպություններին, որոնցից մեկը հայկական ռեստորանային ոլորտի  առաջատարներից «Երեմյան Փրոջեքթս» ընկերությունն է:

 

Ուտեստների արագ պատրաստման ու որակի բարելավման նպատակով  ընկերությունն Արցախի զորամասերում կատարել է խոհանոցային տեխնիկայի եւ սպասքի վերազինում, ճաշարանային հատվածի թարմացում՝ ներդնելով բարձրակարգ եւ ժամանակակից նորագույն սարքավորումներ եւ հարմարություններ:  

 

Ճաշացանկը մշակելիս «Երեմյան Փրոջեքթս» ընկերությունը ուսումնասիրել է տարբեր երկրների փորձը եւ նորմատիվները: Գլխավոր նպատակը սննդի որակն ու տեսականին ապահովելն է:

 

Զինվորները ստանում են երեքանգամյա սնունդ՝ նախաճաշ, ճաշ եւ ընթրիք:

 

Ճաշացանկն առանձնանում է ուտեստների բազմազանությամբ. զինվորներին մատուցվում են տարբեր տեսակի տաք ուտեստներ եւ աղցաններ, կաթնամթերք, քաղցրավենիք, թխվածքներ, միրգ:

 

Ի սկզբանե ռեստորանային ոլորտ մուտք գործելիս «Երեմյան Փրոջեքթս» ընկերությունն իր առջեւ նպատակ էր դրել օգտագործել էկոլոգիապես մաքուր եւ բնական մթերք, տեղական արտադրանք:

 

Մսամթերքը պատրաստվում եւ մատակարարվում է «Երեմյան Փրոջեքթս» ընկերության կողմից ՀՀ Ստանդարտների ազգային ինստիտուտի կողմից հաստատված ԳՕՍՏ եւ ՏՊ չափանիշներին համապատասխան:

Ընկերությունը ծրագրի շրջանակում համագործակցում է Արցախի եւ Հայաստանի ֆերմերային տնտեսությունների ու անհատների  հետ:

«Երեմյան Փրոջեքթս» ընկերության թիմում ընդգրկված են բժիշկ-սննդաբաններ, ովքեր հետեւում են սահմանված նորմերին: Հստակեցված է նաեւ չափաքանակը՝ հաշվի առնելով կալորիականությունն ու օգտակարությունը:

 

Ծրագրի արդյունքում արդեն բացվել է շուրջ 150 նոր աշխատատեղ, իսկ ընդհանուր  առմամբ նախատեսվում է 300 աշխատատեղ՝ 150-200 հազար դրամ միջին աշխատավարձով։

 

Ընկերությունը ձեւավորել է աշխատանքային խումբ, որը գործուղվել է Արցախի զորամասեր՝ վերապատրաստելու եւ օգնելու իրենց գործընկերներին մասնագիտական հմտությունները կատարելագործելու հարցում։

 

«Երեմյան Փրոջեքթս» ընկերությունը պատրաստակամությամբ ներդրել է բոլոր ջանքերը ՀՀ պաշտպանության նախարարության ենթակայության ներքո գտնվող զորամասերի զինծառայողների համար սննդի կազմակերպման աշխատանքներում: Սա ընկերության համար առաքելություն եւ պատիվ է, այլ ոչ թե բիզնես կամ պարզապես աշխատանք:

 

2020 թվականի առաջին 6 ամիսների ընթացքում ծրագիրն ամբողջությամբ ավարտին կհասցվի եւ այլ զորամասերում եւս կիրականցվի սննդի մատակարարում նույն սկզբունքներով:

Լուսանկարները՝ «Երեմյան Փրոջեքթս»