Երեւան: Մեդիամաքս: Ադրբեջանի հետ Հայաստանի սահմանին տեղակայված Եվրամիության առաքելության (EUMA) անդամները Կապանում քննարկում են անցկացրել տեղական համայնքների եւ քաղաքացիական հասարակության ներկայացուցիչների հետ:
Հայաստանում Եվրամիության Պատվիրակությունից հայտնել են, որ քննարկմանը մասնակցել մոտ հասարակական կազմակերպությունների, համայնքային իշխանությունների եւ Հայ Առաքելական եկեղեցու ներկայացուցիչներ:
Օգոստոսին EUMA-ն նման քննարկում էր անցկացրել Գորիսում, իսկ սեպտեմբերին՝ Ջերմուկում:
Քննարկման ընթացքում քննարկվել են անվտանգությանը, սոցիալական եւ բնապահպանական ոլորտներին վերաբերող տարբեր հարցեր:
«Միջոցառումը գերազանց հնարավորություն էր ամրապնդել հարաբերությունները եւ վստահությունը Եվրամիության քաղաքացիական առաքելության եւ տեղի քաղհասարակության միջեւ», - ասված է հաղորդագրության մեջ:
EUMA-ի գլխավոր գրասենյակը գտնվում է Եղեգնաձորում, այն նաեւ 6 կայան ունի Ջերմուկում, Եղեգնաձորում, Մարտունիում, Կապանում, Գորիսում եւ Իջեւանում:
Մեդիամաքսը նշում է, որ EUMA-ն Հայաստանում տեղակայվել է 2023 թվականին փետրվարին՝ ունենալով 100 դիտորդ: 2023 թվականի դեկտեմբերին Եվրամիության արտաքին գործերի նախարարները որոշում էին կայացրել առաքելության կազմն ընդլայնել մինչեւ 209 դիտորդ:
Ս.թ. հունվարի 30-ին ԵՄ որոշեց EUMA-ի մանդատը երկարացնել երկու տարով՝ մինչեւ 2027թ. փետրվարի 19-ը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: