Երեւան: Մեդիամաքս: ДДТ խմբի հունիսի 14-ին Երևանում նախատեսված համերգը հետաձգվել է եւ կկայանա 2024 թվականի նոյեմբերի 9-ին։

Համերգի կազմակերպիչները նշել են, որ «որոշումն ընդունվել է ժամանակավոր տեխնիկական դժվարությունների պատճառով, որոնք պետք է լուծենք համերգի լավագույն որակն ապահովելու համար»։

«Հասկանում ենք ձեր հիասթափությունը, բայց ուզում ենք վստահեցնել, որ համերգն անպայման կայանալու է։ Գնված տոմսերը փոխանակման կարիք չունեն և ուժի մեջ կլինեն նոր ամսաթվի համար: Տոմսերը վերադարձնել ցանկացողները կարող են կապ հաստատել tickets@ddt2024.am էլ. փոստի հասցեով», - ասված է հաղորդագրության մեջ: