Երեւան: Մեդիամաքս: Սննդամթերքներից Հայաստանը միայն վայրի խեցգետին է արտահանում ԵՄ երկրներ, այսօր ասել է Սննդամթերքի անվտանգության պետական ծառայության պետ Աբրամ Բախչագուլյանը:
Ինչպես հաղորդում է Մեդիամաքս-ը, Աբրամ Բախչագուլյանը սա բացատրել է այն հանգամանքով, որ ԵՄ-ն հայաստանյան արտադրողներից պահանջում է արտահանելիս իրականացնել ԵՄ չափանիշներին համապատասխան լաբարատոր փորձաքննություն:
«Այդ պատճառով Հայաստանից ԵՄ երկրներ արտահանվում է միայն վայրի խեցգետին, քանի որ մեր ստանդարտները անասնաբուծության կոնկրետ այդ ճյուղում ԵՄ սննդի անվտանգության լաբորատոր փորձաքննության չափանիշներին համապատասխանում են»,- նշել է ծառայության պետը:
Աբրամ Բախչագուլյանի խոսքով, Հայաստանը պետք է ստեղծի լաբորատոր փորձաքննությունների ցանց, որի ուղղությամբ աշխատանքներ արդեն տարվում են:
Ծառայության պետը նաեւ ասել է, որ ՀՀ Սննդամթերքի անվտանգության պետական ռազմավարությամբ մեր հանրապետության համար գերակա ուղղություն է սահմանվել այնպիսի սննդամթերքների արտահանումը ԵՄ, ինչպիսիք են ձուկը, միրգը, բանջարեղենը եւ մեղրը:
«Պարտավորություն ենք ստանձնել մեր եվրոպացի գործընկերների առջեւ մոնիտորինգ իրականացել ձկնաբուծության ոլորտում եւ ներկայացնել դրա արդյունքները: Եթե ձկնաբուծության ոլորտում մեր տնտեսվարողները համապատասխանեն ԵՄ չափանիշներին, ապա նրանք կկարողանան ձուկ արտահանել ԵՄ երկրներ»,- ասել է Աբրամ Բախչագուլյանը՝ հավելելով, որ մոնիտորինգը կմեկնարկի հունիսի 1–ից:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: