Երեւան: Մեդիամաքս: Հայաստանում օգոստոսի 17-18-ին հայտարարվել է սուգ՝ ի հիշատակ «Սուրմալու» առեւտրի կենտրոնում տեղի ունեցած հրդեհի եւ պայթյունի հետեւանքով զոհված քաղաքացիների:

Համապատասխան որոշում է կայացրել ՀՀ վարչապետ Նիկոլ Փաշինյանը:

Սուգ է հայտարարվել նաեւ Արցախում:

Սգո օրերին կիսով չափ իջեցվում է Հայաստանի դրոշը, արգելվում է գովազդի եւ զվարճալի հաղորդումների հեռարձակումը:

Օգոստոսի 14-ին «Սուրմալու» առեւտրի կենտրոնում տեղի ունեցած պայթյունի հետեւանքով մահացել է 16 մարդ: Անհետ կորած է համարվում 2 քաղաքացի։ Տուժածների ընդհանուր թիվը 61 է։