Երեւան: Մեդիամաքս: Լիտվայի կառավարությունը Հայաստանին կնվիրաբերի Moderna ընկերության արտադրած Spikevax պատվաստանյութի 50 000 դեղաչափ:
Այդ մասին հայտնել է Լիտվայի վարչապետ Ինգրիդա Սիմոնիտեն:
«Ուրախ եմ, որ հայաստանցիներին կարող ենք տրամադրել ոչ միայն AstraZeneca, այլեւ Moderna պատվաստանյութեր», - ասել է նա:
Այսպիսով, Հայաստանն առաջին անգամ կստանա Moderna-ի արտադրած պատվաստանյութը:
Հայաստանում Լիտվայի դեսպանությունից էլ նշել են, որ «Լիտվան կշարունակի նպաստել համավարակը կառավարելու ԵՄ-ի գլոբալ նախաձեռնություններին»:
