Երեւան: Մեդիամաքս: Հարցմանը մասնակցած հայաստանցիների 77%-ը լավատեսորեն են նայում իրենց ապագային:

Այդ մասին վկայում են «EU NEIGHBOURS east» նախագծի պատվերով իրականացված հասարակական կարծիքի ուսումնասիրության արդյունքները: 

Ամբողջական հաշվետվությունը հասանելի է այս հղումով:

Լավատեսության ամենաբարձր ցուցանիշը գրանցվել է 15-34 տարեկանների շրջանում (86 %):

Հոռետեսորեն են տրամադրված հարցվածների 22-%, պատասխան չի ունեցել 1 %-ը:

Հարցման մասնակիցների 70%-ը լավատեսորեն են նայում Հայաստանի ապագային, հոռետես են 29 %-ը:

Հարցմանը մասնակիցների 66%-ը բավարարված են Հայաստանի ժողովրդավարության մակարդակով, բավարարված չեն 30-ը:

Հարցումն իրականացվել է 2019 թվականի փետրվար-մարտ ամիսներին՝ 1 000 քաղաքացիների շրջանում: