Երեւան: Մեդիամաքս: «Հայաստան» համահայկական հիմնադրամի տնօրեն է նշանակվել Հայկակ Արշամյանը։
Այս մասին Մեդիամաքսին տեղեկացրել է հիմնադրամի մամուլի պատասխանատու Անուշ Մարտիրոսյանը:
Հայկակ Արշամյանը 47 տարեկան է, սովորել է Երեւանի պետական համալսարանի պատմության ֆակուլտետում, 2002թ. մեկնել ԱՄՆ, սովորել Հարվարդի իրավաբանական դպրոցում։
Դասախոսել է ԵՊՀ-ում, աշխատել ԿԳ եւ ԱԳ նախարարություններում, իսկ 2004-2010 թթ. համակարգել է «Դեպի Հայք» հիմնադրամի ծրագրերը։
2018թ. հուլիսի 2-ին նշանակվել էր վարչապետի խորհրդական։
«Հայաստան» հիմնադրամի նախորդ տնօրենը Արա Վարդանյանն էր։ Նրա հրաժարականից հետո հիմնադրամը ժամանակավորապես ղեկավարում էր Պետրոս Թերզյանը։
