Երեւան: Մեդիամաքս: ՀՀ Մարդու իրավունքների պաշտպան Կարեն Անդրեասյանն այսօր հրաժարականի դիմում է ներկայացրել:
Այս մասին հաղորդում է ՀՀ Մարդու իրավունքների պաշտպանի գրասենյակի ֆեյսբուքյան էջը:
«Պաշտպանը շնորհակալություն է հայտնում բոլոր գործընկերներին համատեղ աշխատանքի համար եւ հույս է հայտնում, որ մարդու իրավունքների պաշտպանությունը կշարունակի մնալ մեր պետության եւ հասարակության առաջնահերթությունը: Այս կապակցությամբ այլ մեկնաբանություններ չեն լինելու»,- ասված է հաղորդագրությունում:
Կարեն Անդրեասյանը ՀՀ Մարդու իրավունքների պաշտպանի պարտականությունները ստանձնել էր 2011թ. մարտի 3-ին:
