Երեւան: Մեդիամաքս: Մեդիամաքսի «50 գլոբալ հայերը» նախագծի հերոս, Ուրբանում եւ Շամպեյնում Իլինոյսի համալսարանի պրոֆեսոր Նաիրա Հովակիմյանը նշանակվել է համալսարանին կից նորաստեղծ Խելացի ռոբոտատեխնիկայի լաբորատորիայի (Intelligent Robotics Lab) տնօրեն:
Լաբորատորիան հետազոտելու է Գլոբալ տեղորոշման համակարգից (GPS) դուրս գործող նոր սերնդի անօդաչու թռչող սարքերի կառավարման ուղիները, ինչպես նաեւ զբաղվելու է մարդկանց եւ ռոբոտների միջեւ անվտանգ ու արդյունավետ շփման հնարավորության ձեւավորմամբ:
Լաբորատորիան միավորելու է տարբեր ֆակուլտետներից 10-ից ավելի մասնագետների, որոնք Նաիրա Հովակիմյանի ղեկավարությամբ ներգրավված են լինելու տարաբնույթ խնդիրների լուծման գործընթացներում:
Նաիրա Հովակիմյանի կյանքի եւ գործունեության մասին առավել մանրամասն կարող եք կարդալ այստեղ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: