Երեւան: Մեդիամաքս: Նորզելանդացի գրող Լեն Ուիքսի՝ Հայոց ցեղասպանության զոհերի հիշատակին նվիրված «Ծագումը: Բացահայտում» վեպի էլեկտրոնային տարբերակը համացանցի միջոցով այժմ արդեն հասանելի է ամբողջ աշխարհում:
Գիրքը հարգում է նաեւ Ավստրալիայից եւ Նոր Զելանդիայից ժամանած զինվորների հիշատակը, որոնք 1915թ. ապրիլի 25-ին վայրէջք կատարեցին Գալիպոլիում՝ պայքարելու Ցեղասպանության համար պատասխանատու օսմանյան թուրքերի դեմ:
««Ծագումը: Բացահայտում»-ը եզակի, վիպական պատմություն է՝ ստեղծված համաշխարհային պատմության մեծագույն հակամարտության ժամանակաշրջանում. այլընտրանքային պատմություն, որ նախատեսված է ընթերցողին ստիպել խորհելու կարեւորագույն մարդկային արժեքների մասին: Այն վեպ է սիրո, մշակույթի եւ բացահայտման մասին, չնայած ողբերգական հետնապլանին»,- նշում է Լեն Ուիքսը:
Վեպի առաջին մասին կարելի է ծանոթանալ գրքի պաշտոնական կայքում, իսկ ամբողջական տարբերակը՝ բաղկացած երեք մասից, այժմ հասանելի է epub, mobi կամ pdf ձեւաչափով այստեղ, կամ էլեկտրոնային գրքերի մի շարք խանութներում:
Դրանց ցանկին կարելի է ծանոթանալ թե վերոնշյալ կայքում, թե գրքի Facebook-ի եւ Twitter-ի էջերում:
“Ես Ավստրալիայի եւ Նոր Զելանդիայի քաղաքացի եմ, ամուսնացած եմ հայուհու հետ, ով օգնեց բացել իմ աչքերը դեպի Հայաստանն ու նրա պատմությունը: Հիմա ես եմ որոնում ձեր աջակցությունը բացելու Արեւմուտքի աչքերը”,- նշել է հեղինակը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: