Երեւան: Մեդիամաքս: Երեւանում հուլիսի 3-ից 6-ը կկայանա ավիացիոն եւ օդատիեզերական ոչ գծային խնդիրների վերաբերյալ միջազգային համաժողովը (ICNPAA World Congress 2018):
ICNPAA-ի կազմակերպած համաժողովը կանցկացվի Հայաստանի ամերիկյան համալսարանում (ՀԱՀ) եւ ՀԱՀ-ի Գիտության ու ճարտարագիտության քոլեջում:
Կազմակերպիչները նշում են, որ միջազգային ֆորումը կխթանի գիտնական համագործակցությունը՝ խրախուսելով գաղափարների եւ տեղեկատվության տարածումը:
«Ճարտարագիտության, գիտության եւ օդատիեզերական ոլորտներում մաթեմատիկական խնդիրները խթանել են համագործակցությունը տարբեր ճյուղերի գիտնականների միջեւ: Համակարգչային տեխնոլոգիաների զարգացումը լրացուցիչ հնարավորություններ է ստեղծել մաթեմատիկական խնդիրների լուծումների համար:
Այս համաժողովում կներկայանան ակտիվ հետազոտողներ. կրտսեր եւ ավագ ներկայացուցիչներ կլինեն ինչպես ակադեմիական, այնպես էլ արդյունաբերական համայնքից: Ակնկալվում է, որ այս կերպ հնարավորություն կընձեռվի տարբեր սերունդների գիտնականների համագործակցության եւ նրանց բնագավառներում վերջին զարգացումների ամբողջական պատկերը ստանալու համար:
Կոնֆերանսը, հատկապես, միջդիսցիպլինար հետազոտական ուղղությունների ստեղծման հնարավորություն է ընձեռում՝ կապեր հաստատելով համաշխարհային ճանաչում ունեցող հետազոտողների հետ եւ հնարավոր դարձնելով համատեղ միջազգային ծրագրերի իրականացումը, ինչը, անկասկած, կբերի թարմ եւ նորարարական գաղափարներ ու տեխնոլոգիաներ ճարտարագիտության, գիտության եւ օդատիեզերական ոլորտներում»,- ասված է կազմակերպիչների հաղորդագրության մեջ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: