Երեւան: Մեդիամաքս: Հայաստանը եւ Ադրբեջանի նախագահները խոստացել են հարգել հրադադարի ռեժիմը, հատկապես` Օլիմպիական խաղերի ընթացքում:
Այս մասին ԵԱՀԿ Մինսկի խմբի ամերիկացի համանախագահ Ջեյմս Ուորլիքը գրել է Twitter-ի իր էջում:
Նա նաեւ հաղորդել է, որ չնայած նախագահների նոր հանդիպման մասին դեռեւս պայմանավորվածություն չկա, ՀՀ նախագահը կարեւորել է խաղաղ բանակցությունների շարունակության անհրաժեշտությունը:
Նախօրեին համանախագահներ Իգոր Պոպովը (Ռուսաստան), Ջեյմս Ուորլիքը (ԱՄՆ), Ժակ Ֆորը (Ֆրանսիա) Երեւանում հանդիպել են ՀՀ նախագահ Սերժ Սարգսյանի հետ:
Նրանք անդրադարձել են նաեւ Հայաստանի հետ սահմանին եւ Ադրբեջանի ու Ղարաբաղի շփման գծում հաճախակի դարձած զինադադարի խախտման դեպքերին՝ նման միջադեպերը մտահոգիչ համարելով բանակցային գործընթացի հետագա առաջընթացի համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: