Երեւան: Մեդիամաքս: Ադրբեջանի պաշտպանության նախարար Սաֆար Աբիեւը այսօր մեղադրել է ԱՄՆ-ին «երկակի չափանիշների» կիրառման մեջ:
Ինչպես հաղորդում է Trend-ը, ԱՄՆ դեսպան Ռիչարդ Մորնինգսթարի հետ հանդիպման ժամանակ Սաֆար Աբիեւն ասել է, որ «Ադրբեջանում նախագահական ընտրություններն եղել են արդար, ժողովրդավարական եւ ազատ, եւ միջազգային կազմակերպությունները դրանց դրական գնահատական են տվել»:
Նախարարը մտահոգություն է հայտնել, որ ԵԱՀԿ ԺՀՄԻԳ-ը, ինչպես նաեւ ԱՄՆ Պետդեպարտամենտը «կողմնակալ եւ իրականությանը չհամապատասխանող հայտարարություններով են հանդես եկել Ադրբեջանում կայացած նախագահական ընտրությունների վերաբերյալ»:
Ըստ Աբիեւի, «այդ դրսեւորման մեջ անհնար է երկակի չափանիշների կիրառում չտեսնել»:
Ադրբեջանի պաշտպանության նախարարը օրինակ է բերել ԵԱՀԿ ԺՀՄԻԳ-ի եւ ԱՄՆ-ի պետդեպարտամենտի դրական եզրակացությունը ՀՀ նախագահական ընտրությունների վերաբերյալ, որոնք «ամբողջովին կեղծված էին»:
«Չնայած Երեւանում բողոքի ցույցի դուրս եկած հազարավոր մարդկանց դեմ կիրառված զինված ճնշմանը, ինչպես նաեւ ավելի քան տասը ընտրողների սպանությունը, Հայաստանի ղեկավարության վրա որեւէ միջազգային
ճնշում չգործադրվեց», - ասել է Աբիեւը:
Ադրբեջանի պաշտպանության նախարարը նշել է, որ «այդ ամենը լուրջ վերլուծության կարիք ունի:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: