Երեւան: Մեդիամաքս: Ռուսաստանի ԱԳՆ պաշտոնական ներկայացուցիչ Մարիա Զախարովան այսօր ասել է, որ Ֆրանսիան Հարավային Կովկասում էսկալացիայի հերթական փուլ է հրահրում:
«Դա հաստատում է Հայաստանին Caesar հաուբիցների մատակարարման պայմանագիրը: Ֆրանսիան չի առաջնորդվում Հայաստանի շահերով, այլ ձգտում է օգտագործել եղած հակասություններն իր նպատակներին հասնելու համար»,- ասել է Մարիա Զախարովան՝ մեկնաբանելով Երեւանի եւ Փարիզի միջեւ կնքված ռազմական համագործակցության պայմանագիրը։
Հունիսի 18-ին հայտարարությամբ էր հանդես եկել նաեւ Ադրբեջանի պաշտպանության նախարարությունը՝ պնդելով, որ Փարիզը «սատարում է հայկական ռեւանշիզմին» եւ «տարածաշրջանը տանում է դեպի նոր պատերազմ»:
ՀՀ արտաքին գործերի նախարարությունն այսօր հայտարարել է, որ «Հայաստան-Ֆրանսիա ռազմատեխնիկական համագործակցության վերաբերյալ պաշտոնական Բաքվի արձագանքը տարակուսանքի տեղիք է տալիս»:
ՀՀ ԱԳՆ-ն նշել է, որ մարտունակ եւ ժամանակակից զինտեխնիկայով սպառազինված բանակ ունենալը ցանկացած երկրի ինքնիշխան իրավունքն է:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: