Երեւան։ Մեդիամաքս։ Ռուսաստանի նախագահի մամուլի քարտուղար Դմիտրի Պեսկովն այսօր ասել է, որ «Հայաստանի եւ ԱՄՆ-ի համատեղ զորավարժությունների անցկացումը չի նպաստում տարածաշրջանում իրավիճակի կայունացմանը»:
«Այս իրավիճակում նման զորավարժությունների անցկացումը չի նպաստում իրավիճակի կայունացմանը, ցանկացած դեպքում, չի նպաստում տարածաշրջանում փոխվստահության մթնոլորտի ամրապնդմանը»,- ՏԱՍՍ-ի փոխանցմամբ՝ մեկնաբանելով Հայաստանի վարչապետ Նիկոլ Փաշինյանի հայտարարությունը տարածաշրջանում իրավիճակի վատթարացման մասին՝ լրագրողներին ասել է Կրեմլի խոսնակը։
Նա նշել է, որ ՌԴ-ն մնում է հայ-ադրբեջանական հակամարտության գոտում անվտանգության երաշխավորը.
«ՌԴ-ն շարունակում է կատարել անվտանգության երաշխավորի իր գործառույթները եւ բծախնդիր, հետեւողական, կառուցողական աշխատանքն ինչպես Երեւանի, այնպես էլ Բաքվի հետ»:
