Երեւան: Մեդիամաքս: Հայաստանի արտաքին գործերի նախարար Արարատ Միրզոյանն այսօր ասել է, որ Հայաստանի Սահմանադրության փոփոխության հարցը Երեւանի եւ Բաքվի բանակցությունների օրակարգի մաս չի հանդիսանում:
Ելույթ ունենալով Ազգային Ժողովի մշտական հանձնաժողովների համատեղ նիստում, նախարարը հիշեցրել է, որ կառավարությունը Հայաստանի Սահմանադրության փոփոխության մասին խոսել է դեռ 2018 թվականից:
Այնուհանդերձ, նկատել է Արարատ Միրզոյանը, երկու կողմերն էլ միմյանց հիմնական օրենքներում խոչընդոտներ են տեսնում կայուն խաղաղության ամրագրման համար:
Խոսելով սահմանազատման գործընթացի մասին, ԱԳ նախարարն ասել է, որ այն պետք է ընթանա «անխոցելի իրավական հիմքով փաստաթղթերի հիման վրա»:
«Այդպես էլ եղել է այն հատվածում, որը սահմանազատվել է», - ասել է Արարատ Միրզոյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: