Մեդիամաքսը ընդունելություն է հայտարարում իր երեկոյան մեդիա-դպրոց, որի առաջին հոսքը (14 դաս) կմեկնարկի 2025 թվականի նոյեմբերի 20-ին:
Երեկոյան դպրոցը նախատեսված է բոլոր նրանց համար, ում հետաքրքրում է մեդիան՝ պարտադիր չէ, որ դիմորդները գործող կամ ապագա լրագրողներ լինեն: Բոլոր դասերը լինելու են ինտերակտիվ՝ մասնակիցների ակտիվ ներգրավմամբ:
Դպրոցը գործելու է երեքշաբթի եւ հինգշաբթի օրերին՝ ժամը 18:30-ից 20:30-ը Երեւանի կենտրոնում գտնվող Մեդիամաքսի գրասենյակում։
Ստորեւ ներկայացված է դասացանկը.
Ամսաթիվը
| Դասի անվանումը |
2025թ. նոյեմբերի 20
| Մեդիան մեռնում է, կեցցե մեդիան
Մեդիան երեկ, այսօր եւ վաղը
|
2025թ. նոյեմբերի 25
| Սարսափ եւ բացառություններ
Հայաստանի մեդիա միջավայրը
|
2025թ. նոյեմբերի 27
| Սառը հաշվարկ եւ տաք էմոցիա
Խմբագրական ռազմավարություններն ու պլանավորումը
|
2025թ. դեկտեմբերի 2
| Բոլորս դեպի սթորիթելինգ
Մարդակենտրոն լրագրությունը՝ աշխարհն ավելի լավ դարձնելու ձգտումով
|
2025թ. դեկտեմբերի 4
| Native, Native մինչեւ վերջ Հատուկ եւ գործընկերային նախագծերի «ներքին խոհանոցը»
|
2025թ. դեկտեմբերի 9
| Մենք ենք տերը... մեր մեդիայի
Մեդիաների ինքնակարգավորումն ու էթիկայի հարցերը
|
2025թ. դեկտեմբերի 11
| Փող աշխատելը
Մեդիաների ֆինանսական աղբյուրները եւ ինքնաբավության ապահովման տարբերակները
|
2025թ. դեկտեմբերի 16
| «Միլիոնը տարան»
Ֆինանսական գրագիտությունը՝ պարզ օրինակներով
|
2025թ. դեկտեմբերի 18
| Քանի՞ գլխանի եք
Բովանդակության մատուցումը տարբեր ձեաչափերով եւ տարբեր հարթակներում
|
2026թ. հունվարի 13
| «Տարոն ջան, սիրուն չի» (c)
Վիզուալիցացիան համաշխարհային եւ հայկական մեդիայում
|
2026թ. հունվարի 15
| ԱԲոկալիպսիս
Արհեստական բանականության օգուտներն ու վնասները մեդիայի համար
|
2026թ. հունվարի 20
| Ամեն ինչ կորած (չ) է
Տեղեկատվական ճգնաժամերի կառավարումը
|
2026թ. հունվարի 22
| «Հին» ենք, բայց ծեր չենք:)
Մեդիամաքսի 27-ամյա պատմությունը՝ փաստերով, օրինակներով եւ կատակներով
|
2026թ. հունվարի 27
| Մենք ձեզ գիտենք
Ճանաչել լսարանը եւ աշխատել նրա հետ
|
Դասերը վարելու են Մեդիամաքսի տնօրեն Արա Թադեւոսյանը, գլխավոր խմբագիր Դավիթ Ալավերդյանը, լրագրողական թիմի անդամները: Որոշ դասերին կմասնակցեն հրավիրված մասնագետներ:
Արժեքը, ընդունելության կարգը եւ ժամկետները
Ուսման վարձը (14 դասի համար) կազմում է 90 000 դրամ: Վճարումը կատարվում է երկու փուլով՝ յուրաքանչյուրը 45 000 դրամ:
Դպրոցի առաջին հոսքը նախատեսված է առավելագույնը 20 մասնակցի համար:
Մեդիամաքսի երկարամյա գործընկեր IDBank-ը կրթաթոշակ կտրամադրի 10 մասնակցի՝ ամբողջությամբ վճարելով նրանց ուսման համար: Կրթաթոշակ ստացողներին կընտրի Մեդիամաքսի եւ IDBank-ի համատեղ հանձնաժողովը:
Դիմորդները պետք է մինչեւ 2025 թվականի նոյեմբերի 10-ի ժամը 22:30 մեկ էջանոց մոտիվացիոն նամակ ուղարկեն director@mediamax.am հասցեին՝ ներկայացնելով, թե ինչու են ցանկանում հաճախել Մեդիամաքսի երեկոյան մեդիա-դպրոց: Նամակին պետք է կցել ինքնակենսագրականը (CV): Դիմորդները, որոնք ցանկանում են կրթաթոշակ ստանալ IDBank-ից, պետք է այդ մասին հիշատակեն մոտիվացիոն նամակում: Նամակները պետք է վերնագրված լինեն (subject) Mediamax School:
Տարիքային սահմանափակում չկա՝ դիմել կարող են բոլոր ցանկացողները:
Մասնակիցներն եւ կրթաթոշակ ստացողները կընտրվեն նամակների վերլուծության հիման վրա եւ կտեղեկացվեն 2025թ. նոյեմբերի 13-ին:
Բոլոր մասնակիցները հավաստագրեր կստանան:
Հարցերի դեպքում կարող եք զանգահարել 010 54 45 31:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: