Երեւան: Մեդիամաքս: Արցախի Հանրապետության Նախագահ Բակո Սահակյանն այսօր ընդունել է աշխարհահռչակ օպերային երգչուհի Մոնսերատ Կաբալիեին:
Բակո Սահակյանը ողջունել է Մոնսերատ Կաբալիեին արցախյան հողում:
ԼՂՀ նախագահը ընդգծել է, որ հանրաճանաչ արվեստագետների հետ համագործակցությունը կնպաստի Արցախում մշակույթի զարգացմանը:
Մոնսերատ Կաբալիեն նշել է, որ Արցախ է ժամանել որպես ՄԱԿ-ի խաղաղության դեսպան: Աշխարհահռչակ երգչուհին շեշտել է, որ իր համար մեծ նշանակություն ունի քրիստոնեական ժառանգությունը եւ ինքը տեղյակ է Արցախի հարուստ քրիստոնեական անցյալի եւ բացառիկ եկեղեցիների մասին:
