Երեւան։ Մեդիամաքս։ Արցախում ժամանակավոր դադարեցվել է հանրակրթական ուսումնական հաստատությունների նախադպրոցական խմբերի, 1-12-րդ դասարանների եւ նախնական (արհեստագործական) ու միջին մասնագիտական ուսումնական հաստատությունների դասագործընթացը։

Արցախի կրթության, գիտության, մշակույթի եւ սպորտի նախարարությունից հայտնել են, որ Ադրբեջանի կողմից Հայաստանից դեպի Արցախ գազամատակարարման եւ էներգամատակարարման խափանման պատճառով, ընդհանուր առմամբ, դադարեցվել է 117 դպրոցի աշխատանքը եւ գրեթե 20000 երեխա զրկվում է կրթություն ստանալու հնարավորությունից: