Երեւան: Մեդիամաքս: ՀՀ Ազգային ժողովի նախագահ Արարատ Միրզոյանն այսօր ասել է, որ նոյեմբերի 9-ի եռակողմ հայտարարությունը չի լուծել Լեռնային Ղարաբաղի հիմնախնդիրը, եւ հայկական կողմը պատրաստակամ է ԵԱՀԿ Մինսկի խմբի համանախագահության շրջանակում վերսկսել բանակցությունները ԼՂ-ի կարգավիճակի շուրջ:
Ըստ ԱԺ մամուլի ծառայության, Ռուսաստանի դեսպան Սերգեյ Կոպիրկինի հետ հանդիպմանը նա նշել է, որ հայկական կողմի համար օրակարգային կարեւորագույն հարց է շարունակում մնալ հայ ռազմագերիների եւ գերեվարված անձանց վերադարձը հայրենիք:
Արարատ Միրզոյանը վստահություն է հայտնել, որ ռուս գործընկերներն այս ուղղությամբ կշարունակեն միջնորդական ջանքեր գործադրել, որպեսզի ի կատար ածվի հայտարարության համապատասխան դրույթը:
