Երեւան: Մեդիամաքս: Ադրբեջանի նախագահ Իլհամ Ալիեւը ասել է, որ «Գյումրիում տեղակայված ռուսական բազայից պարբերաբար մատակարարումներ են իրականացվում հայկական զինված ուժերին»:
Ինչպես հայտնում է Trend-ը, Ալիեւը իտալական Rai 1 հեռուստաալիքին տված հարցազրույցում ասել էր, որ «թուրքական զորքերի մասնակցությունը Ղարաբաղի գործողություններին սուտ է»:
«Մենք չենք ասում, թե քանի ռուսական ՄիԳ-29, Սու-30 ինքնաթիռ կա Հայաստանի տարածքում: Մենք չենք խոսում այն մասին, որ հինգ հազար ռուսական զինծառայող տեղակայված են Գյումրիի բազայում, եւ, մեր տվյալների համաձայն, այնտեղից պարբերաբար մատակարարումներ են արվում Հայաստանի զինված ուժերին: Ի տարբերություն նրա, ինչ ասում են, մեր մասին, սրանք փաստեր են», - նշել է Ադրբեջանի նախագահը:
Նա հավելել է, որ «յուրաքանչյուրը, ով մեղադրում է Ադրբեջանին, նախ պետք է ինքն իր հարցերը պարզի»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: