Երեւան: Մեդիամաքս: Մոսկվան հույս ունի, որ Վաշինգթոնի հետ երկխոսությունը Լեռնային Ղարաբաղի հարցի շուրջ կօգնի ելք գտնել տարածաշրջանում ներկա տագնապալի իրավիճակից:
Այս մասին այսօր ՏԱՍՍ-ին ասել է ՌԴ փոխարտգործնախարար Սերգեյ Րյաբկովը:
Նրա խոսքերով, Ռուսաստանն ու Միացյալ Նահանգները ինտենսիվ կապի մեջ են այս հարցի շուրջ:
«Հույս ունենք, որ այդ աշխատանքը քաղաքականապես նշանակալի կլինի ներկայիս ճգնաժամային իրավիճակից դուրս գալու համար: Երկխոսությունն ուղղված է քաղաքական խթանի ձեւավորմանը, որը կօգնի նվազեցնել լարվածությունը, կայունացնել իրավիճակը տարածաշրջանում», - ասել է նա:
Միեւնույն ժամանակ դիվանագետը նշել է, որ Լեռնային Ղարաբաղի թեման «վերաբերվում է մի շարք երկրների եւ կա փորձարկված ձեւաչափ, եւ ԱՄՆ-ի հետ երկխոսությունը չի փոխարինում կամ այլընտրանք չէ այդ ձեւաչափին»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: