Երեւան: Մեդիամաքս: Թուրքիայի արտաքին գործերի նախարար Մեվլութ Չավուշօղլուն հանդիպել է ԵԱՀԿ Մինսկի խմբի ամերիկացի, ռուսաստանցի եւ ֆրանսիացի միջնորդներին եւ ԵԱՀԿ Գործող նախագահի անձնական ներկայացուցչին:
Չավուշօղլուն այդ մասին հայտնել է իր թվիթերում:
Նախարարը նշել է, որ հանդիպման ընթացքում «վերահաստատել է Թուրքիայի աջակցությունը Մինսկի գործընթացին»:
Թուրքիան հանդիսանում է ԵԱՀԿ Մինսկի խմբի անդամ:
Պաշտոնական Երեւանը բազմիցս հայտարարել է, որ իր բացահայտ ադրբեջանամետ դիրքորոշում որդեգրած Թուրքիան չի կարող որեւէ դերակատարություն ունենալ ԼՂ կարգավորման գործընթացում:
