Երեւան: Մեդիամաքս: Փետրվարի 23-ին եւ լույս 24-ի գիշերը շփման գծում հակառակորդը հրադադարի պահպանման ռեժիմը խախտել է ավելի քան 75 անգամ:

Ականանետերից, նռնականետերից ու տարբեր տրամաչափի հրաձգային զինատեսակներից հայ դիրքապահների ուղղությամբ արձակվել է շուրջ 830 կրակոց:

Շփման գծի արեւելյան ուղղությամբ ադրբեջանական զինուժը կիրառել է 60 եւ 82 միլիմետրանոց ականանետեր (4 արկ) եւ ՁՀՆ-7 տիպի նռնականետ (2 արկ):