Երեւան: Մեդիամաքս: Բաշ Քարվենդ բնակավայրի մոտակայքում այսօր իրականացվել է զոհվածների մարմինների փոխանակում, եւ հայկական կողմին է հանձնվել 18 զոհվածի մարմին:

Այս մասին «Ռադիոլուրին» հայտնել է ԼՂՀ նախագահի մամուլի քարտուղար Դավիթ Բաբայանը։

Լուրը հաստատել է նաեւ ՀՀ ՊՆ մամուլի քարտուղար Արծրուն Հովհաննիսյանը։

Մարմինների փոխանակումն իրականացվել է Կարմիր խաչի միջազգային կոմիտեի եւ ԵԱՀԿ գործող նախագահի անձնական ներկայացուցչի գրասենյակի միջնորդությամբ։