Երեւան: Մեդիամաքս: Ադրբեջանում կարծում են, որ Հայաստանն օգտագործում է հրադադարի վերահսկման մեխանիզմների հարցը «հակամարտության համապարփակ իրավաքաղաքական կարգավորումից ուշադրությունը շեղելու նպատակով»:
«Նման մեխանիզմը գործի դնելու անհրաժեշտությունը օրակարգում հատուկ ներառվում է Երեւանի կողմից: Այդ տեխնիկական հարցը Հայաստանին պետք է հակամարտության համապարփակ իրավաքաղաքական կարգավորումից ուշադրությունը շեղելու, ստատուս-քվոն պահպանելու եւ ադրբեջանական տարածքների օկուպացիան պահպանելու համար: Մենք նախկինում էլ ենք ասել, որ միջադեպերի հետաքննման մեխանիզմները կարելի է ներդնել այնտեղից հայկական զորքերի դուրս բերման ընթացքում: Հերիք է նրանք լքեն Ադրբեջանի տարածքները, եւ միջադեպերը իսպառ կվերանան, այլեւս բան չի մնա հետաքննելու», - ասել է Էլմար Մամեդյարովը Коммерсантъ թերթին տված հարցազրույցում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: