Երեւան: Մեդիամաքս: Ֆրանսիայի նախագահ Ֆրանսուա Օլանդն այսօր Երեւանում ասել է, որ « զինադադարը բավարար չէ, անհրաժեշտ է գտնել Լեռնային Ղարաբաղի խնդրի իրական լուծումը»:
«Այս խնդիրը խոչընդոտում է Հայաստանի իրական զարգացմանը: Ես երեկ Ադրբեջանում էի, այսօր Հայաստանում եմ: Ֆրանսիան հիշում է իր հանձնառությունը որպես ԵԱՀԿ Մինսկի խմբի համանախագահ, եւ մենք պատրաստ ենք ամեն ինչ անել, որպեսզի այս հակամարտությունը գտնի իր լուծումը»,- Երեւանում ՀՀ նախագահ Սերժ Սարգսյանի հետ կայացած համատեղ մամուլի ասուլիսում ասել է Ֆրանսիայի նախագահը:
Նրա խոսքերով, Ֆրանսիան պատրաստ է հյուրընկալել Հայաստանի եւ Ադրբեջանի նախագահներին` փոխվստահության մթնոլորտ հաստատելու նպատակով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: