Երեւան: Մեդիամաքս: Եվրամիության հանձնակատար Շտեֆան Ֆյուլեին այսօր Երեւանում ասել է, որ «հայ գործընկերներն ինձ հավաստիացրել են, որ որեւէ ճնշում Հայաստանի վրա չի գործադրվել»:
Այդ մասին նա ասել է Արեւելյան գործընկերության անդամ երկրների արտգործնախարարների ոչ պաշտոնական հանդիպման ավարտին` մեկնաբանելով պնդումներն այն մասին, որ Հայաստանը որոշեց միանալ Մաքսային միությանը` Ռուսաստանի ճնշման ներքո:
«Միթե՞ ես այդ հավաստիացումները հարցականի տակ դնելու իրավունք ունեմ», - ասել է Շտեֆան Ֆյուլեն:
Նա շեշտել է, որ Եվրամիությունը շարունակելու է կրկնել ու պնդել, որ ԵՄ Արեւելյան գործընկերությունը օգուտ կբերի ոչ միայն ծրագրի մասնակիցներին, այլեւ նրանց հարեւաններին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: