Երեւան: Մեդիամաքս: Ադրբեջանի նախագահ Իլհամ Ալիեւը Վաշինգտոնում հանդիպում է ունեցել Ամերիկա-իսրայելական հասարակական կապերի կոմիտեի (AIPAC) գործադիր տնօրեն Էլիոթ Բրանդտի հետ:

Ինչպես հաղորդում են ադրբեջանական լրատվամիջոցները, հանդիպմանը ընդգծվել է, որ ԱՄՆ-ում Դոնալդ Թրամփի իշխանության գալով՝ երկրների միջեւ հարաբերությունները սկսել են զարգանալ:

Կողմերը նշել են AIPAC-ի դերը ադրբեջանա-ամերիկյան եւ ադրբեջանա-իսրայելական հարաբերությունների խորացման գործում:

Ադրբեջանի նախագահը Վաշինգտոնում է գտնվում Խաղաղության խորհրդի անդրանիկ նիստին մասնակցելու նպատակով: