Երեւան: Մեդիամաքս: Հայաստանի վարչապետ Նիկոլ Փաշինյանը Հունգարիայի մայրաքաղաք Բուդապեշտում մասնակցում է Եվրոպական քաղաքական համայնքի հինգերորդ գագաթնաժողովին:
ՀՀ կառավարության տարածած լուսանկարներից հայտնի է դարձել, որ Նիկոլ Փաշինյանը Բուդապեշտում շփվել է Թուրքիայի նախագահ Ռեջեփ Թայիփ Էրդողանի հետ:
Կառավարությունից հայտնում են, որ գագաթնաժողովի շրջանակում նախատեսված են Նիկոլ Փաշինյանի հանդիպումները տարբեր երկրների գործընկերների հետ:
Նա մի շարք երկրների առաջնորդների հետ մասնակցել է նաեւ «Տնտեսական անվտանգություն» խորագրով կլոր-սեղան քննարկմանը, որն անցկացվել է փակ ձեւաչափով:
Նախորդ անգամ Նիկոլ Փաշինյանն ու Ռեջեփ Թայիփ Էրդողանը հանդիպել էին ս.թ. սեպտեմբերին Նյու Յորքում ՄԱԿ-ի Գլխավոր ասամբլեայի 79-րդ նստաշրջանի շրջանակում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: