Երեւան: Մեդիամաքս: Բելառուսի նախագահ Ալեքսանդր Լուկաշենկոն այսօր ասել է, որ հանդես է գալիս Հայաստանի հետ լավ հարաբերություններ պահպանելու օգտին։
Ինչպես հաղորդում է ԲԵԼՏԱ գործակալությունը, Բելառուսում բնակվող տարբեր ազգությունների ներկայացուցիչների հետ հանդիպմանը Լուկաշենկոն ասել է.
«Վատ չէր լինի, որ առաջվա պես, բոլոր թերություններով ու նրբություններով հանդերձ, լավ հարաբերություններ կառուցեինք Հայաստանի հետ։ Հավատացեք, դա բացարձակապես մեր մեղքը չէ։ Մենք ամեն կերպ փորձել ենք օգնել հայերին, համագործակցել ենք ինչպես ամենամտերիմ մարդկանց հետ։ Սակայն նրանք ուզեցիբ գնալ դեպի Արեւմուտք, դեպի ԵՄ»։
«Մենք դեմ չենք համագործակցությանը Արեւմուտքի, ամերիկացիների հետ, բայց դուք տեսնում եք նրանց քաղաքականությունը։ Վաղը Ամերիկայում իշխանության կգա նոր ղեկավարություն, նույնիսկ հին-նորը, եւ քաղաքականությունը բոլորովին այլ կլինի։ Եվ ես այդ մասին անընդհատ ասել եմ ձեր ղեկավարությանը։ Եթե դուք չեք հասկանում, ապա ես արդեն հինավուրց մարդ եմ քաղաքականության մեջ։ Ես շատ բան եմ տեսել։ Նրանց չի կարելի վստահել»,- նշել է Բելառուսի նախագահը։
«Հայերը շատ խելացի մարդիկ են։ Մոտ ապագայում նրանք կհասկանան, թե որտեղ է իրենց երջանկությունը»,- եզրափակել է Բելառուսի նախագահը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: