Երեւան: Մեդիամաքս: Ռուսաստանի Անվտանգության խորհրդի քարտուղար Սերգեյ Շոյգուն ասել է, որ Բաքու կատարած աշխատանքային այցի շրջանակներում քննարկվել է Հայաստանի եւ Ադրբեջանի միջեւ հարաբերությունների կարգավորման գործին «Արեւմուտքի միջամտելու փորձերը»։
Սերգեյ Շոյգուն այսօր Բաքվում հանդիպել է Ադրբեջանի նախագահ Իլհամ Ալիեւի եւ Անվտանգության խորհրդի քարտուղար Ռամիլ Ուսուբովի հետ։
«Քննարկվել է հարցերի լայն շրջանակ։ Առաջին հերթին, իհարկե, Հարավային Կովկասի անվտանգությունը։ Հայաստանի հետ խաղաղության պայմանագիրը,
որի տասներորդ տարբերակը հանձնվել է Երեւանին։ Արեւմուտքի կողմից այս գործընթացին միջամտելու շատ ակտիվ փորձերը»,- ՏԱՍՍ-ը մեջբերում է Շոյգուի խոսքերը։
«Եվ, անշուշտ, Իլհամ Ալիեւի՝ 3+3 ձեւաչափով բանակցությունների գաղափարը։ Մենք աջակցում ենք այդ ձեւաչափին»,- ասել է Ռուսաստանի Անվտանգության խորհրդի քարտուղարը։
